Вечерва во салата на СОУ „Ристе Ристески – Ричко“ Прилеп со 33:29 го совлада Куманово, во 7. коло од ракометната машка Супер лига, А-група. Гостите водеа само на почетокот, со 3:1, до 10.минута беше нерешено, 6:6, а потоа резултатот се движеше постојано во полза на домашниот тим. Кога на одмор се замина со 18:12, јасно беше дека трите бода остануваат во Прилеп. Ова е втора победа на Прилеп, покрај едно реми и четири пораза. Во следната рунда, Алкалоид – Прилеп.
Денеска од ова коло се одигра уште Вардар (Скопје) – Струга 35:23.
ТАБЕЛА: Вардар (Скопје) 21, Алкалоид и Бутел по 15, Охрид 9, Струга и Прилеп по 7, Куманово 3, Вардар (Неготино) 0.
