Седмото коло од ракометната машка Супер лига, А-група, се игра викендов. Вечерва (20 часот) во салата на СОУ „Ристе Ристески – Ричко“ е дуелот Прилеп – Куманово. Домашниот тим има можност да стигне до вториот триумф, Единствениот досега е против неготински Вардар, дома, а остварено е едно реми (во Струга), покрај четирите пораза. Од друга страна, Куманово има една победа (во Неготино) и пет пораза. Мечот во Прилеп го судат Виктор Начевски и Даниело Божиновски, делегат е Цано Куртовиќ, сите од Скопје.
ТАБЕЛА: Вардар (Скопје) 18, Алкалоид и Бутел по 15, Охрид 9, Струга 7, Прилеп 4, Куманово 3, Вардар (Неготино) 0.
