Има промена на времето за одржување на Меѓународниот фудбалски турнир за деца родени меѓу 2011 и 2017 година „Чин-чин куп“ во Златибор, Србија. Следното 14. издание, наместо како што прво беше најавено – од 25 до 28 април, ќе биде малку порано, од 18 до 21 април оваа година. Значи – една недела порано сите екипи учеснички (има од Прилеп и од други места на Македонија) ќе се појават во регионот на преубавата природа, на терените на Златибор.
Според главните луѓе од организацијата, Влада Мартинов и Игор Митиќ, покрај екипи од сите некогашни републики на СФР Југославија (Србија, Македонија, Црна Гора, Босна и Херцеговина, Хрватска, Словенија), најавено е учество и од Бугарија, Молдавија и Романија. Очекувањата се за настап на 120 до 140 тима, меѓу нив од гигантите: Црвена звезда и Партизан од Белград, Динамо од Загреб.
