Екипата Победа наместо да искажува вобичаено задоволство по освоениот гостински бод и со одличната, офанзивна игра на младите нејзини фудбалери, по денешниот меч во Новаци (2:2), не може да го запре револтот кон судијата Фатмир Бафто од Охрид. Причина се доделените жолти и црвени картони, во еден борбен, но релативно мирен, фер и коректен натпревар. Жолти картони доделени се на Никола Сарески, Александар Новески, Марко Ристов, Бојан Ивчески, Ивица Трајкоски, потоа уште по еден на Александар Новески (83. м.) и Никола Сарески (91. м.), така што овие двајца добија и црвени картони, додека директен црвен картон во судиското надополнување од мечот е покажан на Јане Николоски, шефот на Стручниот штаб. За споредба, кај екипата Новаци се пет жолти картони, за Јасин Казимоски, Стефан Јовановски, Владимир Недановски, Благој Стојчев и Јоцо Ѓорговски.
Најинтересното, головите, паѓаа по овој редослед: 0:1 преку Давид Дебрешлиоски во 60. минута, 1:1 со голот на Христијан Торнески во 67. 1:2 преку Дестан Адили во 75, 2:2 со голот на Иве Трифуновски во 84. Прилепскиот тим беше на добар пат да забележи триумф, но и бодот е вреден во борбата за издигнување кон средината од табелата. Следи подготовка до 30 март за дуелот дома со Саса.
НОВАЦИ: Симоновски, Петкоски, Б. Стефановски, Казимоски (59. Сефедин), С. Стефановски, Ајетовиќ, Трифуновски, Јовановски (71. Тасевски), Недановски, Торнески, Стојчев (56. Ѓорговски). Тренер: Дарко Крстески.
ПОБЕДА: Столевски, Сарески, Новески, Д. Дебрешлиоски (90+3. Г. Димоски), Табаковиќ (66. И. Трајкоски), Ристов (77. Л. Петејчук), Ивчески, Кофиловски, Адили (77. Д. Шаркоски), Да. Спиркоски, Богевски. Тренер: Јане Николоски.
РЕЗУЛТАТИ: Новаци – Победа 2:2, Скопје – Охрид 3:0, Вардар Н. – Арсими 0:0, Караорман – Пелистер 1:4, Кожуф – Беса 0:2, Детонит – Тетекс 2:0, Саса – Башкими 1:0, Беласица – Осогово 1:1.
ТАБЕЛА: Беса 54, Пелистер 48, Детонит 45, Арсими 39, Скопје 34, Охрид 33, Башкими, Вардар Н. 28, Беласица 27. Кожуф и Новаци 24, Тетекс 20, Победа 19, Осогово 17, Караорман 15, Саса 14.
СЛЕДНО 22. КОЛО (30 март во 15 часот): Победа – Саса, Охрид – Беласица, Осогово – Новаци, Башкими – Детонит, Тетекс – Кожуф, Беса – Караорман, Пелистер – Вардар Н., Арсими – Скопје.
