Денеска (сабота) се првите есенски ракометни натпревари и во машка и во женска конкуренција. Според распоредот, двете сениорски екипи од Прилеп се домаќини, така што во салата на СОУ “Ристе Ристески – Ричко” се играат два меча, па публиката четири часа може да се изнагледа ракомет.
Прво од 16 часот е женскиот дуел Деспина – Вардар, од 1. рунда на Супер-женската лига В-група. Деспина е засилена со две повратнички – голманката Матеа Чурлиновска и левото крило Адела Еленин. Летово тимот одигра еден тест-меч со штипски Астибо, дуел завршен со победа.
Веднаш потоа, од 18, 30 часот, на истиот паркет е машкиот дуел Прилеп – Пролет, во 1. коло на Супер-машката лига.
Во Супер-женската лига се 15 тима распоредени во три групи, а во Супер-машката се 12 тима.
