Убави, позитивни настани се добредојдени за нашиов медиум, главно поврзани со спортот, а и вчера присуствувавме неколку часа на прекрасна програма со која се одбележаа 70 години од постоењето на гигантот, Прехранбената индустрија „Витаминка“. Компанија гордост на Прилеп, компанија поддржувач на многу дејности, на многу спортисти и клубови. Дека цел Прилеп живее со „Витаминка“ се виде по присуството на многу народ од сите генерации за време на забавно-музичката програма, на којашто имаше познати учесници, како музичките ѕвезди Блага Петреска, Александар Митевски, Драган Спасов – Дац и „Слаткаристика“.
Не пропуштивме да ги фотографираме некогашните и сегашните предводници на компанијата, како Симон Наумоски и Сашо Наумоски.
Честитките и желбите од посетителите за компанијата беа пишувани на табли. Желби за успех, за дочекување стогодишнина, за броење векови. Затоа што за „Витаминка“ нема граници и ништо не е – невозможно!
ГАЛЕРИЈА
