Во шахот мерило е стартниот рејтинг спореден со конечната табела. На силниот Меѓународен турнир „Опен Залакарош“ во Унгарија од 23 до 31 мај, прилепскиот фидемајстор Роберт Велески освои место на конечната табела коешто е повисоко за 9 места од стартната позиција. На стартот Велески беше рангиран на 28. место меѓу 60 учесници од 16 држави. По завршувањето на последното 9. коло, единствениот Македонец успеа да го освои 19. место на конечната табела. Оасвои 5 поени на тие 9 партии – со 3 пораза, од ФМ Ференц Гомбош од Унгарија, ВМ Даниел Алсина од Шпанија, од ФМ Матија Остовиќ од Хрватска, со 2 реми – против ФМ Бенке Лешко и со ФМ Инес Киш двајцата од Унгарија, а 4 победи – со Лукаш Зугмонд, Доминик Марта и со ИМ Ѓула Фехер тројцата од Унгарија и со Павел Бауер од Чешка.
Победник со 7,5 поени е ВМ Гергели Ашел од Унгарија.
