На 68 години во Прилеп животот го заврши Менде Димески – Џаиќ, најголемиот звездаш на овие простори. Поради љубовта кон белградска Црвена звезда цел живот, дење-ноќе, делник-празник го помина носејќи црвено-бела облека – дрес, тренерки, патики, капче… Таа му беше подарена од вистинскиот Џаиќ, легендарниот Драган Џаиќ. Сета оригинал, уникат. Носеше и еден дрес од Роберт Просинечки, подарен во Бари, веднаш по освоената титула европски шампион во 1991.
„Црвено-бело носам и за нашата Победа, тоа се и нејзините бои“, велеше Менде за љубовта и кон прилепскиот клуб.
