Не често, но се случува дрон при натпревар да излета од теренот. Така беше и денеска за време на Светскиот куп во летови со дронови во Прилеп. Некаде претпладне, при една трка, дрон во големата брзина излета од патеката каде што се наместени капиите. Дел од учесниците и организатроите почнаа потрага крај оградите на стадионот „Могила“. По десетина минути дронот беше пронајден затскриен во тревата.
И овој Светски куп, кој во Прилеп се одржува од 2017 година, помина во одлична организација на клубот Фил феникс и ВФМ.
