Утре (сабота) од 16 часот е последното 27. коло во Првата женска фудбалска лига на Македонија. На игралиштето со вештачка трева во Прилеп е дуелот Цевитана – Саса. Мечот ништо значајно не одлучува, затоа што Саса, екипата од Македонска Каменица, го има загарантирано второто место од табелата, а за прилепскиот тим Цевитана е последното, 10. место кое води ранг подолу. Интересно е тоа што Саса е толку силна, што нема првенствен пораз веќе година и пол. Последниот и се случи на 19 ноември 2022 година, дома со 0:1 од струмичка Тиверија. За Саса настапуваат фудбалерки од странство, како Рената Бруна Фереира да Силва, Мајса Бенедито Делгадо и Туане де Соуза Фрагосо (Бразил), Мишел Катерине Руеда Гонзалез (Панама), Нанока Иругичи (Јапонија).
ПОСЛЕДНО 27. КОЛО: Цевитана – Саса, Скопје – Топ гол, Истатов – Шкендија, Ас јунајтед – Тиверија, Љуботен – Речица.
ТАБЕЛА: Љуботен 69, Саса 68, Ас јунајтед 48, Тиверија 46, Скопје 44, Шкендија 25, Истатов и Речица 22, Топ гол 18, Цевитана 13.
