Во преубаво место, ресторанот „Лаки“ во околината на Прилеп, се одржа Третата средба на Унијата на карате-ветерани на Македонија. Присуството беше масовно, од многу македонски градови каде се негувал и се уште се негува овој индивидуален спорт, вештина. Објект полн со гости, на задоволство на домаќините, предводени од Љупчо Кафеџиоски – Кафето, потпретседател на Унијата.
Беше прекрасно да се биде сведок на програмата. Во присуство на првиот човек, претседателот на Унијата, проф. д-р Чедомир Саздовски, беа доделени високи признанија, благодарници, беа спомнати многу значајни имиња од минатото, меѓу нив не само каратисти, туку и тренери, водечки членови на клубови и на некогашниот Карате сојуз на Македонија, сега Карате федерација на Македонија.
Потсетувањето беше за почетоците на овој спорт, за развојот, за врвните достигнувања, за освоените медали во некогашната Југославија, како и за настапите низ Европа и светот, по осамостојувањето на Македонија. Воздишки и силни емоции предизвика прикажувањето на документарниот филм за каратето, сниман дполги пет години низ цела Македонија.
До следната средба следат активности на Унијата за натамошна популаризација на овој спорт и кон привлекување на нови млади каратисти.
ВИДЕО
