Денеска од 17 часот се играат мечевите на 1. рунда од Втората фудбалска лига на Македонија. Фудбалската федерација на Македонија ги објави службените лица. За мечот во Новаци, Новаци – Победа (Прилеп) главен судија е Димитар Левески (Охрид), помошници Марио Мајсоски, Јован Анѓелкоски и Јован Качевски (Струга). Делегат е Фатмир Салаи (Челопек, Тетовско), контролор Горан Манасиев (Велес).

За дуелот во Големо Коњари, Големо Коњари – Детонит (Радовиш) главен судија е Ангелчо Ристов (Неготино), помошници Давор Дишлиевски (Кавадарци), Зоран Ангелов (Неготино) и Ангел Гелов (Кавадарци). Делегат е Емин Кранли (Ресен), контролор Драган Ристовски (Куманово).

Во поглед на играчкиот кадар, според наши информации, во летниот преоден рок досега од Победа заминати се Иван Николоски, Антонио Шемкоски, Леонид Кофиловски, Давор Богевски, Бојан Ивчески, Амил Табаковиќ, Симон Николоски, Јасин Казимоски, Салим Арифи  и други – дојден е Давид Здравески (Пелистер, Битола), а во Големо Коњари дојдени се Антонио Шемкоски, Амил Табаковиќ и Симон Николоски (Победа), Валентин Белески и Бојан Јовески (Питу Гули, Крушево), Филип Станојоски (Слога, Лажани), Зоран Даноски (Брегалница, Штип) – заминат е само Зоран Котески.

Но треба да се знае дека преодниот рок и натаму трае, се до 6 септември можни се и други новости.

ДВОЈКИ ЗА 1. КОЛО: Вардар (Неготино) – Тетекс (Тетово), Брегалница (Штип) – Кожуф (Гевгелија), Новаци – Победа (Прилеп), Саса (Каменица) – Осогово (Кочани), Преспа (Ресен) – Шкендија (Арачиново), Охрид – Беласица (Струмица), Скопје – Слога (Виница), Големо Коњари – Детонит (Радовиш).

МОЛБА ЗА ПОМОШ!