Денеска (16 часот) на програмата е 3. рунда од Втората фудбалска лига на Македонија. Еве ги двојките:
ГОЛЕМО КОЊАРИ: Големо Коњари – Беласица (Струмица)
РЕСЕН: Преспа – Победа (Прилеп)
НОВАЦИ: Новаци – Вардар (Неготино)
КАМЕНИЦА: Саса – Кожуф (Гевгелија)
ОХРИД: Охрид – Осогово (Кочани)
СКОПЈЕ: Скопје – Шкендија (Арачиново)
РАДОВИШ: Детонит – Слога (Виница),
а на 8 септември во ШТИП: Брегалница – Тетекс (Тетово).
Во Големо Коњари е нова можност за домашниот тим, поддржан од навивачите, да стигне до првиот бод.
Што се однесува до прилепска Победа, таа засилена со 11 новодојдени гостува кај Преспа во Ресен со верба дека може да стигне до позитивен резултат. Од клубот најавуваат за уште еден нов играч, чие име ќе биде објавено по некој ден. Потсетуваме на претходните новодојдени: Дарко Тофилоски (последен клуб му беше Беса од Добридол), Христијан Кукески и Кире Наумоски (Големо Коњари), Никола Павлески и Глигор Шиков (Вардар Неготино), Лука Варошаноски (Брера Струмица), Лука Трајкоски и Давид Јошески (Детонит Плачковица), Мохамед Ахмедов (Беласица), Игор Ѓорѓиев (Слога Виница), како и кадетот Давид Здравески (Пелистер).
Во врска со мечот во Ресен, ТВ-преносот може да се гледа на следниов линк:
Во Победа очигледно се прават максимални напори за консолидација, за опстојување во овие најтешки времиња, така што успехот на овој план ќе зависи директно од поддршката – не само на градот и бизнис-секторот, компаниите, ами и од прилепчаните каде и да се… Колкава поддршка – толку силна Победа!
МОЛБА ЗА ИТНА ПОМОШ!
