Преубав е секој масовен спортски настан, особено од меѓународен карактер. Затоа во Прилеп со душа се очекува петтото издание на Меѓународниот фудбалски турнир „Прилеп куп 2026“ најавен за првата половина од август, во организација на Општина Прилеп и Фудбалска школа „Тони“. Се однесува за млади фудбалерчиња родени 2013, 2014, 2015, 2016, 2017 и 2018 година, вкупно 6 возрасни категории. Желбата е да се одржи турнирот на теренот од Градскиот стадион „Гоце Делчев“, додека алтернативен е теренот од Игралиште „Могила“. Што се однесува до учесниците, се очекуваат екипи не само од Македонија, ами и од цел Балкан – од Бугарија, Албанија, Косово, Србија, Грција, Хрватска…
Најдобрите екипи, играчи и голмани ги очекуваат награди – пехари, медали и пакети производи.
