Екипата Бучин се смета дека е мошне солидна, со оглед на она што го покажа минатото првенство. Тогаш му даде силен отпор и на првакот Вардар, кој во Неготино победи со 3:2 со гол во 95. минута. Но, што се случува во ова првенство? Во претходното коло со неверојатни 12:0 загуби во Марена, а попладнево со 0:6 дома од Росоман. Од клубот излезе информација дека тимот е некомплетен, без клучни играчи. Во ова 4. коло дербито беше Слога Лажани – Питу Гули Крушево. Заврши 1:1, со головите на Самир Каришиќ и Коста Степаноски. Висока победа од 4:1 постигна Големо Коњари дома со Младост Кривогаштани. Стрелци: Илчо Митрески, Мустафа Селманоски, Борче Макешоски, Дарио Наумовски – Душко Аврамоски. Други резултати: Локомотива – Обршани 3:0 сл., Вардар – Канатларци 6:0, Марена – Превалец 3:5. На табелата Вардар има 12 бода, пред Питу Гули и Големо Коњари по 10.
СЛЕДНО 5. КОЛО (2 октомври 15 ч.): Превалец – Бучин, Младост – Марена, Канатларци – Големо Коњари, Обршани – Вардар, Питу Гули – Локомотива, Росоман – Слога.
