Во Третата фудбалска лига – Југ денеска беше 12. коло, прво пролетно. Најинтересното се случи во Бучин, каде истоимениот домашен тим со 2:1 го совлада силното Големо Коњари. Иако гостите поведоа преу Ерџан Ибраимоски во 30. минута, домашните се изборија за пресврт во вториот дел. Прво израмни Сашо Талевски во 56. минута, а победата ја донесе Ѓорѓија Мургоски во 64. за големо славје. РЕЗУЛТАТИ: Бучин – Големо Коњари 2:1, Вардар – Марена 7:2, Локомотива – Превалец 1:2, Слога – Младост 2:0, Питу Гули – Обршани 3:0.
ТАБЕЛА: Вардар 36, Питу Гули 31, Превалец и Големо Коњари 25, Слога 20, Росоман 17, Марена и Бучин 12, Локомотива 11, Младост 7, Обршани 6, Канатларци 2.
ИДНО 13. КОЛО (12 март во 14 часот): Питу Гули – Бучин, Обршани – Росоман, Канатларци – Слога, Младост – Локомотива, Превалец – Вардар, Марена – Големо Коњари.
