И кога се губи во спортот, барем да се игра чесно и борбено, со вложен максимум. Така беше на последните два меча од Првата фудбалска лига на Македонија, на кои Победа загуби. Прво дома со 1:0 од Работнички, потоа во Струмица со 2:0 од Академија Пандев. Остануваат уште три меча – дома со Скопје и Тиквеш, на гости со Македонија ЃП во Скопје. Независно од шансите за бараж кои се само теорија (Скопје да загуби во Прилеп со два разлика, потоа да загуби барем уште еднаш – со Тиквеш во Кавадарци или дома со Брегалница, а Победа освен со Скопје два разлика, да победи во Скопје со Македонија ЃП и дома со Тиквеш), треба да се одигра максимално борбено до крајот, онака како што очекуваат најверните навивачи кои се уште доаѓаат на Градскиот стадион „Гооце Делчев“.
В недела натпреварите почнуваат во 16 часот.
