Преку натпреварите од Купот, продолжена е фудбалската сезона. На ред е завршницата, финалето за куп-победник на територијата од ОФС Прилеп. Попладнево (17 часот) на игралиштето кај Могилата во Прилеп, се среќаваат Стрела (Ерековци) и Питу Гули (Крушево). Питу Гули е фаворит, со оглед на високиот пласман (2. место) во Третата лига – Југ, во однос на Стрела (финалист во плеј-офот од А-лигата на ОФС Прилеп). Но, Купот е натпреварување во кое често има изненаувања.
Победникот му се придружува на второлигашот Победа во натамошната фаза од Купот на Македонија.
