За финалната серија од плејофот на Супер лигата во пинг-понг за мажи очекувањата беа кон освојување на титулата шампион на Македонија од страна на Пингпонгарскиот клуб Младост 96 од Прилеп. Причина за ваквите прогнози беа 18 победи и само 1 пораз на овој клуб се до финалето (17 победи и 1 пораз во основниот дел од Супер лигата и 1 победа во полуфиналето од плејофот, во Струмица со Астраион). Беше на прва позиција пред Крива Паланка (со 16 победи и 2 пораза во основниот дел и 1 победа во полуфиналето од плејофот – во Скопје со Телеком нец 2). 

Меѓутоа токму во финалето од плејофот се случи пресвртот. Се одигра до два добиени меча, а баш двата ги доби актуелниот шампион Крива Паланка. Прво во Прилеп победи со 4:3, потоа на реваншот во Крива Паланка со 4:1. Вкупно Крива Паланка доби 8 партии (Кристијан Станојковски 4, Ѓорѓе Петровиќ 2, Александар Јакимовски 1 и двојката Ѓорѓе Петровиќ/Кристијан Станојковски). Вкупно Младост 96 доби 4 партии (Ѓорѓе Борчиќ 3, Андреј Лашкоски 1).

Позициите се непроменети од лани – Крива Паланка останува шампион, Младост 96 е вицешампион на Македонија.

076 502 403

ПОРАЧКИ ЗА ПРАВОСЛАВНИТЕ ВЕРНИЦИ

ДОСТАВУВАЊЕ НА ДОМАШНА АДРЕСА НИЗ ПРИЛЕП

СЕ ОД ПРАВОСЛАВИЕТО

ПОРАЧКИ НА ИКОНИ, ИКОНОСТАСИ СО ЛАМБИЧЕ, БЛАГОСЛОВИ, МОЛИТВИ, КАЛЕНДАРИ…

СЕ ЗА ПРАЗНИЦИ, ИМЕНДЕНИ И СЛАВИ…

НА 076 502 403