Задоволство е кога информираме за нешто убаво, праведно, а таква е веста за Стојанче Дунимаглоски. Доскорешниот тренер на Победа, само еден ден по разделбата со прилепскиот второлигаш, прифати нов ангажман – во Спортската академија или т.н. Спортска гимназија. Тоа значи дека овој млад и квалитетен стручњак и натаму ќе биде поврзан со фудбалот, ќе работи со младинци, отприлика младинци на возраст исто како што беше во Победа, бидејќи во клубот сениорскиот тим тогаш беше сочинет од голобради момчиња. Колеги во Спортската гимназија на Дунимаглоски му се Тони Наумоски и Дејан Кебакоски. Сите со гимназијалци од прва до четврта година работат на игралиштето со вештачка трева во Прилеп.
Меѓутоа, на Стојанче Дунимаглоски во иднина мора да се смета како потенцијален стручњак во Победа или во некој друг фудбалски клуб, ако се има предвид дека во досегашните 34 години постигна богата играчка кариера (Победа, 11 Октомври, Напредок, Тиквеш, Раднички К….), а и тренерска (Победа), а поседува тренерска УЕФА А-лиценца.
МОЛБА ЗА ПОМОШ!
