Утре (4 октомври) во Спортската сала на СОУ „Ристе Ристески – Ричко“ во Прилеп е Петнаесеттиот меѓународен турнир во џудо „Град херој 2025 – Цевитана куп“, организиран од Џудо клубот „Сеишин“ од Прилеп, поддржан од Џудо федерацијата на Македонија, чиј претседател е прилепчанецот Владимир Трпаноски. Учесници се возраснте категории деца, помлади пионери и пионери, во женска и во машка конкуренција, поделени во околу 40 тежински категории. Според досегашните пријави, се очекуваат натпреварувачи од 10 држави: Словачка, Грција, Србија, Црна Гора, Албанија, Косово, Бугарија, Турција, Англија и од Македонија. Нови држави учеснички има три: Англија, Словачка и Турција.
Сите љубители на овој спорт можат да ги проследат борбите за медали, бидејќи влезот во салата е слободен. Турнирот почнува во 10 часот.
