За некој спортски настан да е вистинско дерби треба публика, а обратно – за да има многу публика треба да се случува дерби-дуел, едното со другото се поврзани. В сабота од 13.30 часот на Градскиот стадион „Гоце Делчев“ во Прилеп е мечот од 10. рунда на Втората фудбалска лига на Македонија, Победа – Шкендија Арачиново. Дерби е иако игра 11-тиот против 2-иот, бидејќи домашниот тим во последните кола го покажува своето вистинско лице, своите амбиции за да се искачува на табелата, додека за гостинот јасно е дека целта му е прволигашкото друштво. Подолу е изјавата на Исуф Бајрами, претседателот на ФК Шкендија од Арачиново:
– Победа е големо име на клуб. Нашиот клуб немал можност да биде прволигаш, така што оваа сезона нашата цел е да запишеме нова страница во нашата клупска историја. Во врска со саботниот меч, мило ми е што се враќа публиката на прилепскиот стадион. Убаво е да се игра пред многу гледачи – порачува Бајрами.
Изјавата е извадок од разговорот со Исуф Бајрами во емисијата „Прилепски спорт на Радио Холидеј“ којшто може комплетно да се ислуша на следниот линк:
