Возбудливи четвртфиналиња на Тринаесеттиот турнир „Свети Никола 2025“ во Прилеп, така што не е чудно што трибината е преполна со гледачи и тој што сака да гледа вечерва полуфиналиња мора совреме да влезе во салата од СОУ „Ристе Ристески – Ричко“. Подолу се две видеа – првото со пенал-серијата од мечот Инекс Олгица – ПВЦ Никем, потоа второто видео од голот на Филип Грујоски за Кули.
Прво беше дуелот Инекс Олгица (Охрид) – ПВЦ Никем (Битола). Во првата минута поведе Инекс Олгица со голот на Данчо Рамзоски, но натаму се случи неочекуван однос на таа екипа што беше во водство. Тие предизвикаа исклучување, па со човек помалку на теренот примија гол, изедначи на 1:1 Александар Попоски. И во финишот непрописни реакции на Инекс Олгица, па два црвени картона за нив, од кои едниот за одличниот голман Оливер Мирчески. Без него во пенал-серијата 2:0 за противникот, ПВЦ Никем. Стрелци од пенали: Виктор Гелевски и голманот Стефан Најдовски.
Во второто четвртфинале, АСП Пак (Охрид) – Аце Најдески (Охрид) 3:0. Стрелец со хет-трик Мишо Ѓорѓиоски.
Во третото четвртфинале, Давид Коруноски (Прилеп) – Кули (Прилеп) 1:2. Стрелци: Беким Алимоски за Давид Коруноски – Филип Тодороски и Филип Грујоски за Кули.
На крајот се одигра четвртото четвртфинале, Теа Андреа Хајв кафе (Прилеп) – Пилана Жарко/Железарија Желеко (Прилеп) 2:0. Стрелци: Кирил Стојков и Марјан Ристовски.
Во полуфиналето денеска: Теа Андреа/Хајв кафе – Кули, АСП Пак – ПВЦ Никем. Во екипите има квалитет, дури и играчи коишто настапуваат во Првата фудбалска лига на Македонија.
ТЕА АНДРЕА/ХАЈВ КАФЕ: Антонио Столески, Јорданчо Наумоски, Дарко Илиески, Марјан Ристовски, Мартин Никовиќ, Давид Јошески, Димитар Чоков, Кирил Стојков, Дарко Анѓелески, Марио Наумоски.
КУЛИ: Антонио Шемкоски, Христијан Поп-Антоски, Христијан Јосифоски, Филип Тодороски, Давор Богевски, Ице Митрески, Давид Иваноски, Филип Грујоски, Давид Дебрешлиоски, Давид Крстески.
АСП ПАК: Дејан Милошески, Наум Таулоски, Нико Пластиноски, Шенол Меди, Благоја Толески, Стефан Петрушевски, Никола Угриновски, Христијан Петрески, Дарко Цветаноски, Мишо Ѓорѓиоски.
ПВЦ НИКЕМ: Стефан Најдовски, Александар Ѓорѓиоски, Александар Попоски, Драганче Мицески, Христијан Тосков, Мартин Пивковски, Антонио Спирковски, Димитар Кочишки, Виктор Гелески.
Организацијата е на највисоко ниво, судењето врвно од познати, искусни судии, а и записничката маса – одлична.
РАСПОРЕД ЗА ДЕНЕСКА, САБОТА, 27 ДЕКЕМВРИ
ПИОНЕРИ
15:00 ТОНИ – ПЕРАК / ГЕНЕРАЦИЈА 2016
15:50 ТОНИ – АКАДЕМИЈА ЕВРОГОЛ / ГЕНЕРАЦИЈА 2016
16:40 ПЕРАК – АКАДЕМИЈА ЕВРОГОЛ / ГЕНЕРАЦИЈА 2016
18:00 ПЕРАК – ЦЕВИТАНА / ПОЛУФИНАЛЕ ГЕНЕРАЦИЈА 2013
СЕНИОРИ
19:00 1 ПОЛУФИНАЛЕ
ПИОНЕРИ
20:00 ТОНИ – ПАНДЕВ ТАЛЕНТ / ПОЛУФИНАЛЕ ГЕНЕРАЦИЈА 2013
СЕНИОРИ
21:00 2 ПОЛУФИНАЛЕ
