Малиот фудбал е меѓу најгледаните спортови во Прилеп, а тоа е сосема заслужено доколку се земе предвид она што се случуваше и во полуфиналето од Тринаесеттиот турнир „Свети Никола 2025“. Прво во исполнетата трибина од салата во СОУ „Ристе Ристески – Ричко“ се одигра првото полуфинале, АСП Пак (Охрид) – ПВЦ Никем (Битола). Битолскиот тим поведе со 0:2, со двата мајсторски гола на Александар Попоски, вториот со глава. Така заврши првото полувреме, првите 20 минути. Се чинеше дека ПВЦ Никем е многу блиску до финалето. Меѓутоа, АСП Пак се избори за пресврт, бидејќи во второто полувреме постигна дури 7 гола, не прими ниту еден. Стрелци: Нико Пластиновски 2, Мишо Ѓорѓиоски, Никола Угриновски, Дејан Милошески, Христијан Петрески и Дарко Цветаноски.
Второто полуфинале беше прилепско, меѓу два прилепски тима, Теа Андреа/Хајв кафе – Кули. Во првото полувреме немаше голови, 0:0, со изглед за пенали. Младата екипа Кули со сосема солиден отпор кон поискусниот тим Теа Андреа/Хајв кафе. Клучен момент е првиот гол. По остар шут од Јорданчо Наумоски кон противничкиот гол, таму кусо одбиената топка од голманот, в гол ја упати Димитар Чоков. Битна е и одбраната на Антонио Столевски, голманот на Теа Андреа/Хајв кафе. Му одбрани зицер шутиран одблиску на Давид Дебрешлиоски, кој претходно по убава акција создаде одлична шанса за израмнување. Неговата екипа мораше до крајот само во напад, а тоа го искористи противникот за постигнување уште два гола – преку Марјан Ристовски. Вкупен резултат 3:0 за Теа Андреа/Хајв кафе.
Видео од двата меча:
РЕЗУЛТАТИ ОД ВЧЕРА, САБОТА, 27 ДЕКЕМВРИ,
ПИОНЕРИ
ТОНИ – ПЕРАК (ГЕНЕРАЦИЈА 2016)
ТОНИ – АКАДЕМИЈА ЕВРОГОЛ (ГЕНЕРАЦИЈА 2016)
ПЕРАК – АКАДЕМИЈА ЕВРОГОЛ (ГЕНЕРАЦИЈА 2016)
ПЕРАК – ЦЕВИТАНА (ПОЛУФИНАЛЕ ГЕНЕРАЦИЈА 2013)
СЕНИОРИ
ПРВО ПОЛУФИНАЛЕ, АСП ПАК (ОХРИД) – ПВЦ НИКЕМ (БИТОЛА) 7:2
ПИОНЕРИ
ТОНИ – ПАНДЕВ ТАЛЕНТ 1:0 (ПОЛУФИНАЛЕ ГЕНЕРАЦИЈА 2013). Стрелец на голот е Адријан Христоски.
СЕНИОРИ
ВТОРО ПОЛУФИНАЛЕ, ТЕА АНДРЕА/ХАЈВ КАФЕ (ПРИЛЕП) – КУЛИ (ПРИЛЕП) 3:0
РАСПОРЕД ЗА ДЕНЕСКА, НЕДЕЛА, 28 ДЕКЕМВРИ,
ПИОНЕРИ
15.00 Ч.: АКАДЕМИЈА ЕВРОГОЛ – ПЕРАК (ГЕНЕРАЦИЈА 2014)
15.50 Ч.: ТОНИ – ПЕРАК (ГЕНЕРАЦИЈА 2014)
16.40 Ч.: ТОНИ – АКАДЕМИЈА ЕВРОГОЛ (ГЕНЕРАЦИЈА 2014)
18.00 Ч.: МЕЧ ЗА 3. МЕСТО (ГЕНЕРАЦИЈА 2013)
19.00 Ч.: МЕЧ ЗА 3. МЕСТО СЕНИОРИ: ПВЦ НИКЕМ (БИТОЛА) – КУЛИ (ПРИЛЕП)
ПВЦ НИКЕМ: Стефан Најдовски, Александар Ѓорѓиоски, Александар Попоски, Драганче Мицески, Христијан Тосков, Мартин Пивковски, Антонио Спирковски, Димитар Кочишки, Виктор Гелески.
КУЛИ: Антонио Шемкоски, Христијан Поп-Антоски, Христијан Јосифоски, Филип Тодороски, Давор Богевски, Ице Митрески, Давид Иваноски, Филип Грујоски, Давид Дебрешлиоски, Давид Крстески.
20.00 Ч.: ФИНАЛЕ ПИОНЕРИ (ГЕНЕРАЦИЈА 2013)
21.00 Ч.: ФИНАЛЕ СЕНИОРИ: АСП ПАК (ОХРИД) – ТЕА АНДРЕА/ХАЈВ КАФЕ (ПРИЛЕП).
АСП ПАК: Дејан Милошески, Наум Таулоски, Нико Пластиновски, Шенол Меди, Благоја Толески, Стефан Петрушевски, Никола Угриновски, Христијан Петрески, Дарко Цветаноски, Мишо Ѓорѓиоски.
ТЕА АНДРЕА/ХАЈВ КАФЕ: Антонио Столевски, Јорданчо Наумоски, Дарко Илиески, Марјан Ристовски, Мартин Никовиќ, Давид Јошески, Димитар Чоков, Кирил Стојков, Дарко Анѓелески, Марио Наумоски.
Ова е вторпат истите екипи да се во финале на турнирот „Свети Никола“ во Прилеп. Првиот пат, во 2023 година, по изведувањето пенали победи екипата Теа Андреа/Хајв кафе со 3:2, а во основниот дел беше нерешено 2:2.
