Голема борба беше вчера на Градскиот стадион „Гоце Делчев“ во првото полуфинале за добивање првак на ОФС Прилеп, Стрела (Ерековци) – Динамо (Мажучиште), вториот со третиот на табелата од Општинската квалитетна А-лига на ОФС Прилеп. По 90 минути мечот заврши нерешено 1:1, со головите на Зоран Тасески од пенал во 70. минута за Стрела и Давид Николоски во 58. минута за Динамо. Затоа потоа се изведоа 10 пенали, по 5 од двете екипи, при што резултатот е 5:4 за Стрела, па овој тим е во финалето со вкупен резултат од 6:5. Стрелци од пенали: Влатко Петрески, Зоран Секирски, Бобан Марковски, Валентин Дебрешлиоски и Зоран Тасески за Стрела, а Кире Наумоски, Александар Велјаноски, Давид Николоски и Александар Крстески за Динамо, додека Мартин Јосифоски погоди во гредата.
СТРЕЛА (ЕРЕКОВЦИ)
Андреј Чапкуноски
Валентин Дебрешлиоски
Менде Стојаноски
Дарко Ристески
Николче Марковски (од 28. Влатко Петрески)
Марјан Коштревски
Бобан Марковски
Филип Костоски
Горан Бозајкоски
Зоран Секирски
Зоран Тасески.
Тренер: Војо Петрески.
ДИНАМО (МАЖУЧИШТЕ
Андреј Цветкоски
Дејан Конески (од 53. Давид Николоски)
Александар Поповски
Мирослав Трпкоски (46. Кирил Брсакоски)
Александар Крстески
Филип Наумчески
Александар Велјаноски
Андреј Степаноски (62. Бени Кулески)
Кире Наумоски
Мартин Јосифоски
Стефан Столески
Тренер: Киро Спиркоски.
Судењето одлично го извршија Влатко Илиоски, Иле Мишески и Филип Боцески, контролор беше Горанчо Макалоски.
Второто полуфинале, Кадица (Забрчани) – Кадино (Кадино Село) е денеска од 17 часот, пак на Градскиот стадион „Гоце Делчев“ во Прилеп.
ВИДЕО од целиот натпревар:
АКЦИЈА ЗА ХУМАНОСТ НА 12 МАЈ (ВТОРНИК)
Карти може да набавите од билетарата на НУЦК Марко Цепенков
Во животот човек не се станува со пари. Богати сме доколку помагаме, богати сме доколку имаме човечност, срце. Големината на човекот е во помагањето на другите. Колку сме богати и големи зависи од нас. На 12.05.2026г во ДОМ НА КУЛТУРАТА МАРКО ЦЕПЕНКОВ со почеток во 20:00 часот. Дојдете, покажете ја вашата големина, покажете дека заедно можеме нешто, нешто што предизвикува насмевка, нешто што СПАСУВА живот.
ЗА МОНИКА!!! Ве очекуваме 
#ЈасСумХуманБидиИТи!
