И третпат пријатна вест од Бања Лука, од Европското првенство во футсал за ученици до 18 години. Македонскиот шампион, екипата од СОУ „Ристе Ристески – Ричко“ од Прилеп изваде реми (5:5) со претставникот од Белгија. Противникот бил фаворит, според информациите, но прилепската екипа и овојпат одиграла одлично и резултатот конечен е нерешен. Стрелци за нашиот состав: Мартин Деркоски 2, Димитар Оклески, Бернис Селимоски и Андреј Петрески по 1 гол. Во екипата на професорите Илија Ангелески и Христијан Митрески настапија: Виктор Анѓелевски, Мартин Деркоски, Теодор Ѓероски, Ведран Мегленски, Леонид Митрески, Димитар Оклески, Давид Паскоски, Андреј Петрески, Бернис Селимоски и Бруно Стефаноски.
Екипата од Прилеп освои 5 бода, со гол-разлика 19:10. Се чекаше резултатот од последниот меч, меѓу претставниците на Унгарија и Словачка, па веќе се знае дека Прилеп на конечната табела ќе биде втор. Сепак, најважно е што тимот од Прилеп сигурно оди во четвртфиналето на Европското првенство коешто трае до 16 мај.
АКЦИЈАТА ЗА ХУМАНОСТ Е ДЕНЕСКА – 12 МАЈ (ВТОРНИК) ОД 20 ЧАСОТ!
Карти може да набавите од билетарата на НУЦК Марко Цепенков.
Во животот човек не се станува со пари. Богати сме доколку помагаме, богати сме доколку имаме човечност, срце. Големината на човекот е во помагањето на другите. Колку сме богати и големи зависи од нас. Денеска, 12.05.2026 во ДОМ НА КУЛТУРАТА МАРКО ЦЕПЕНКОВ со почеток во 20:00 часот. Дојдете, покажете ја вашата големина, покажете дека заедно можеме нешто, нешто што предизвикува насмевка, нешто што СПАСУВА живот.
ЗА МОНИКА!!! Ве очекуваме
#ЈасСумХуманБидиИТи!
