Вчера на игралиштето со вештачка трева во Прилеп кулминира сезоната во Општинската квалитетна лига од ОФС Прилеп. Се одигра финалето од Плејофот за добивање првак, помеѓу екипите Кадица (Забрчани) и Стрела (Ерековци), двете најдобри од првенството и од Плејофот. На вчерашното финале, пред голем број гледачи – на трибината и околу игралиштето, поведе екипата Стрела со голот на Зоран Тасески, а потоа настана пресврт до 1:3, водство на Кадица преку Бобан Крстески, Горан Базеркоски и Благојче Митрески. Во финишот водството беше минимизирано на 2:3 преку Зоран Тасески, така што се водеше битка до последната секунда.
Значи, конечниот резултат е 3:2 за Кадица. Овој тим победи и во полуфиналето од Плејофот, со 5:1 врз Кадино Село. Според тоа, ако се сметаат 14 меча од основниот дел на првенството во Општинската квалитетна А-лига и овие 2 меча од Плејофот, Кадица има 14 победи, 1 реми и само 1 пораз.
Така Кадица (Забрчани) го доби правото да учествува во повисок ранг, Третата лига, но водечките луѓе поради скромните финансии сметаат дека местото на клубот му е во овој ранг каде што досега беше – Општинската квалитетна А-лига на Прилеп.
Подолу се составите на вчерашните финалисти,
КАДИЦА (ЗАБРЧАНИ)
Василе Јанкоски
Христијан Петрески
Александар Столески
Михаил Ѓорѓиоски
Горан Базеркоски
Благојче Митрески
Михаил Карески
Амел Фетаховиќ
Зоран Јорданоски
Бобан Крстески
Дејан Танески (58. Валентин Трајкоски).
Тренер: Панче Здравески.
СТРЕЛА (ЕРЕКОВЦИ)
Андреј Чапкуноски
Валентин Дебрешлиоски (65. Влатко Петрески)
Менде Стојаноски
Дарко Ристески (65. Никола Ристески)
Николче Марковски
Марјан Коштревски
Бобан Марковски
Филип Костоски
Горан Бозајковски
Зоран Секирски
Зоран Тасески.
Тренер: Пецо Петрески.
На високо ниво беа судиите Кирил Смоквоски, Борис Трајков, Дино Конески, контролорот Горан Спиркоски и претставникот на ОФС Прилеп, секретарот Петре Илиоски.
ВИДЕО:
