Тукушто заврши првенството во Општинската квалитетна А-лига на Прилеп, каде што првак стана и пехар освои екипата Кадица од Забрчани, а претстои уште едно пократко натпреварување, Купот, каде што исто така наградата е – пехар. Учествуваат три екипи Братство Житоше, Кадица Забрчани и Влазними јуниор од Пресил, Крушевско. Утре, недела, 17 мај, од 10 часот претпладне се игра првиот, полуфинален меч во Житоше, Братство – Кадица. Двете екипи во следната сезона ќе бидат во иста лига – Општинската А-лига на ОФС Прилеп, бидејќи Братство беше најдобро во Општинската Б-лига за пласман во А-лигата, а Кадица беше најдобра во А-лигата, но со најава дека поради скромни финансии сака пак да е дел од Општинската А-лига и не е заинтересирана за третолигашки ранг. Победникот од полуфиналниот меч ќе биде учесник во финалето, против третолигашот Влазними јуниор. Победникот од тој меч ќе се смета за победник на Купот за територијата од ОФС Прилеп.
Третолигашот Влазними јуниор утре, недела, од 17 часот игра третолигашки меч со Млекар во Мало Коњари.
