Екипата на Прилеп со 28:26 триумфира над Струга, во 4. коло од плеј-аутот на машката Супер лига. Ова е значајно за тимот на тренерот Горан Кузманоски – Таста со оглед на претходните три пораза во оваа фаза. Прекината е неуспешната серија, вратени шансите за опстанок. На денешниот меч прилепчаните постојано водеа, стружаните некако стигнуваа до израмнувања до 40. минута. Во последната третина на гостите им успеа да се оддалечат и на крајот заслужено дојдоа до победоносен резултат 28:26.
На вториот меч од ова коло Радовиш – Скопје 24:21, резултат што е во прилог на прилепскиот тим, така што на табелата има битни измени.
ТАБЕЛА: Пролет 14, Струга 10, Прилеп 6, Скопје 4, Радовиш 3.
СЛЕДНО 5. КОЛО (21 април): Скопје – Пролет, Прилеп – Радовиш
