Попладнево се одигра пријателскиот фудбалски натпревар помеѓу второлигашот Охрид и прволигашот Победа. На Стадионот „Билјанини Извори“ домаќинот победи со 2:1. Стрелец за Победа е стоперот Игор Паноски. Значајно е и тоа што по долга пауза од девет месеца поради повреда, заигра играчот за врска Јорданчо Наумоски. Според планот, серијата пријателски, подготвителни мечеви за Победа треба да продолжи в четврток, дома со второлигашот Воска од Охрид, а потоа се дуелите и со второлигашите Пелистер и Кожуф.
Претходно беа мечевите со Шкупи во Охрид и со косовскиот Феризај во Дојран.
