Во септември 2021 година Шаховскиот клуб Прилеп одигра во Европскиот шаховски клупски куп во Струга, а еден од неговите членови беше 15-годишниот Индиец, велемајсторот Домарају Гукеш. Токму тоа „чудо од дете“ сега ќе се бори за титулата светски шампион, со оглед на тоа што го освои првото место на „Турнирот на кандидатите“ во Торонто. А да биде уште поинтересно, противник на Гукеш ќе му биде Кинезот, велемајсторот Лирен Динг, поранешен член на скопскиот клуб Алкалоид.
Гукеш сега има 17 години, така што ако биде светски шампион ќе биде најмладиот во историјата, со оглед на тоа што Гари Каспаров и Магнус Карлсен титулата ја освоија на 22 години. Ривалот Динг има 31 година.
