Утре (четврток) во 18 часот, во големата сала од Општина Прилеп ќе се одржи интересно предавање за спортската јавност, на тема: „Психолошки аспекти на спортската комуникација тренер – спортист – родител“. Предавањето ќе го одржи проф. д-р Ленче Алексовска – Величковска, продекан на Факултетот за физичко образование, спорт и здравје, при Универзитетот „Свети Кирил и Методиј“ во Скопје. Настанот е на иницијатива на Стевчо Талески, долгогодишен фудбалски тренер.
Присутните (спортисти, тренери, родители на спортисти, функционери, спортски љубители…) на предавањето ќе можат да се вклучат низ поставување прашања или со свои размислувања во врска со темата.
