Прилеп и Прилепско се со амбиција и голема надеж да се добие втор второлигаш, покрај Победа, а шансата се вика Големо Коњари. Во овој клуб е голема организација во пресрет на најзначајниот меч оваа сезона, бараж-дуелот против тетовски Тетекс. Првакот на Третата лига – Југ е во дуел со првакот на Третата лига – Запад, а победникот станува второлигаш. Од ФК Големо Коњари има најава за поаѓање на група навивачи кон Скопје, кон стадионот во населбата Ѓорче Петров, каде в сабота ќе се случи мечот од 17 часот. Според тоа што е објавено, за превоз до Скопје и назад се плаќа повратна карта од 400 денари.
Големо Коњари заслужува повисок ранг и според ова што сега претставува клубот, а и според богатата историја – времето кога клубот под името Братство беше во Втората лига на Македонија.
