Се одиграа три бараж-мечеви за статусот фудбалски второлигаш. На стадионот во Ѓорче Петров во Скопје, Големо Коњари – Тетекс 2:2. По овој нерешен резултат се изведоа пенали, по што вкупниот резултат е 5:3 за Тетекс и Тетекс е нов член на Втората лига на Македонија. Големо Коњари немаше среќа. Интересно беше во основните 90 минути, кога Тетекс поведе со 2:0 (стрелци Ерјон Елмази во 19. и Азис Амини во 24. минута), но Големо Коњари не се предаде и со играч помалку (црвен картон во 68. минута доби Христијан Кукески) во финишот стигна до израмнување преку головите на Беким Алимоски во 88. и во 90. минута. Стрелци од пенали: Кире Наумоски (Големо Коњари), Агон Елмази, Ментор Салиу (Тетекс).
ГОЛЕМО КОЊАРИ: Ацески, Кукески, Макешоски (46. Андреевски), Ибраимоски (75. Иваноски), Сркески, Алимоски, Митрески, Наумоски, Котески, Имероски, Тошески. Тренер: Горан Касниоски.
ТЕТЕКС: Зибери, Амити, Стефановски, А. Елмази (76. Сандев – 91. М. Салиу), Е. Елмази, М. Салији (86. Мисаловски), Јамини, Јакупи, Николовски, Даути, Османи. Тренер: Марјан Билбиловски.
ДРУГИ РЕЗУЛТАТИ: Преспа – Слога В. 0:3, Осогово – Шкендија А. 1:2. Тетекс Тетово, Слога Виница и Шкендија Арачиново се нови второлигаши, а за Големо Коњари, Преспа и Осогово шанса е ждрепката во која два од три тима ќе станат второлигаши.
