Во Залакарош (Унгарија) во тек е Отворен меѓународен турнир на кој учествува и ФИДЕ-мајсторот Роберт Велески. Прилепчанецот, единствен македонски претставник, против себе има ривали од: Унгарија, Хрватска, Чешка, Англија, Германија, Ирска, Молдавија, Полска, Романија, Туркменистан, Турција, Украина, а има еден претставник на ФИДЕ. Досега одиграни се 4 кола, на кои Велески има 2 пораза (од велемајсторката Лан Јао од Англија и од Сомбор Погани од Унгарија) и 2 победи (со Петр Валента од Чешка и со Валериа Хизниченцо од Молдавија). Денеска игра со фидемајсторот Имре Цала од Унгарија.
Вкупно се 69 шахисти, меѓу кои 4 велемајстори.
