Како што најавивме во нашиов медиум, денеска попладне се случи првиот собир на фудбалскиот второлигаш Победа. На Градскиот стадион „Гоце Делчев“ во Прилеп прво шефот на Стручниот штаб Стојанче Дунимаглоски и асистентот Дејан Кебакоски одржаа состанок со околу 20 присутни фудбалери, а потоа беше одржан и првиот тренинг.

– Претстојат мини-подготовки со тренинзи и барем еден пријателски меч. Иако доста првотимци заминаа, работиме на тоа да бидеме покриени со квалитетни поединци на сите позиции. Не очекува тешка првенствена битка, а ние ќе дадеме максимум – изјави Дунимаглоски.

Веќе се зборува за потенцијални засилувања, како Дарко Тофилоски, Горан Димоски, Николче Шаркоски, Лука Трајкоски, Андреј Петкоски, Христијан Драгарски…

Новости има и во поглед на лицата што се во раководството на клубот. Така, нов извршен директор е Филип Илиоски (претходно повеќе години, а и сега генерален секретар), а нов сопственик на  70 проценти од акциите е Владимир Мирчески (досега познат како генерален секретар претходните три месеци).

На денешната прес-конференција беше речено дека клубот во моментов се наоѓа во незавидна ситуација, но се побара помош од инстутуции (Општината донира милион денари) и од компании (запознаена била Стопанската комора на Прилеп).

Почетокот на мини-подготовките го проследија најверните приврзаници на Победа, како Димитар Чучуроски – Чучуро, Роберт Паноски – Тргачо, Рубин Алексоски, Кире Иваноски – Балче, Пеце Томески и други.

МОЛБА ЗА ПОМОШ!