Првенството во Втората фудбалска лига на Македонија не е завршено, туку останува да се доигра одложениот меч во Радовиш помеѓу Детонит и Скопје. Но, за прилепскиот тим Победа нема обврски бидејќи сите15 меча се одиграни во предвидениот период, со 11 бода и на 13.место меѓу 16 тима. По последниот дуел дома со штипска Брегалница на 29 ноември, погледите се свртени кон пролетниот дел. Извесни се промени во преодниот рок од 15. јануари до 11. февруари 2026.
Дознаваме дека досегашниот тренер Филип Мирчески не планира да биде повеќе во Победа, ќе си продолжел со работа во школата Вондеркидс, а измени се најавени и кај играчкиот кадар. За тоа кој ќе биде тренер и нови играчи меѓу клупските приврзаници е желбата да се знае многу порано пред, отколку по Нова година, кога обично се случува првиот собир за подготовките на фудбалскиот клуб Победа.
