По одржувањето на Општинското екипно првенство на основните училишта во Прилеп, се одигра и Екипното првенство за средните училишта во ШАХ. Учествуваа четири СОУ со своите најквалитетни јуниори. Екипите беа составени од пет играчи од кои една мораше да биде девојка. Респект за сите, но сепак еден мораше да победи, а тоа беа домаќините од гимназијата Мирче Ацев кои извојуваа победи во сите мечеви. Составот е: Давид Маркушески, Теодора Ѓорѓиеска, Иван Синадиноски, Бојан Ристески и Филип Башески. Второто место го освои СОУ Ристе Ристески Ричко (Никола Павлески, Благојче Павлески, Теодор Севдикоски, Михаил Бушески и Леона Аврамоска), додека трето место освоија учениците од СОУ Ѓорче Петров (Стефан Јакопетревски, Матеј Главчев, Дарио Нанески, Кирил Анастасовски и Анастасија Мицеска). Првенството помина во одлична атмосфера и дружење на средношколците од Прилеп, со желби за почести настани.
Организатори беа Сојузот на училишен спорт и Шаховскиот клуб Прилеп.
