Денеска добивме информација дека во Австралија започната е акција за финансиска помош на прилепска Победа. Очигледно, Македонците, особено прилепчаните не можат да бидат мирни и почнуваат активности за спасување на саканиот клуб. Конкретно, австралиската македонска асоцијација „Методија Андонов – Ченто“ од Сиднеј почна акција за спас на Победа во соработка со навивачките групи „Маркови внуци“ и „Мајмуни“од Прилеп. Пораката е : „Заедно сме посилни!“
Првата цел е да се соберат 50 илјади долари за Победа, финансии добредојдени за сегашните потреби на клубот. Идејата е акцијата да биде низ целиот свет каде што живеат прилепчани.
Во текот на утрешниот ден на нашиов портал ќе имаме разговор со Гоце Павлески, еден од предводниците на акцијата.
