Во 13 часот почна 14. коло од Втората лига на Македонија, во тие рамки и мечот Вардар – Победа во Неготино. За прилепскиот клуб Победа настапува безмалку младинската екипа: Марко Николоски, Мартин Талески, Лука Варошаноски, Мохамед Ахмедов, Марио Тасески, Стефан Наскоски, Трене Тренески, Димитар Шаркоски, Леонид Митрески, Гоце Кузманоски и Андреј Петрески. Во првата постава само еден нема статус младинец – Мартин Талески, 22-годишен. На клупата за резерви се сите младинци: Виктор Анѓелевски, Владимир Зарески, Гоце Петрески, Бојан Смилески, Роберт Аризанкоски и Мартин Митрески.
Настапуваат овие оти поискусните не играле како израз на револт поради тоа што немале добиено ниедна плата. Затоа не тренирале и немало да ги одиграат овие есенски натпревари.
Во клубот лесно може да се забележи дека постои огромна разочараност за недобиената поддршка. Таму може да се слушне дека се разочарани од односот на разни институции, но и на бизнис-секторот, каде благодарни се само на Чибук „Травел“, Ресторан „Македонска куќа“, „Лаки“ и Ресторан „Алтан“. Да не биле тие, немало да се одиграат ни овие 13 есенски кола.
Токму деновиве ќе има интервју во еден од прилепските медиуми со претставник на ФК Победа за да се каже се она што треба да знае спортската јавност во Прилеп и пошироко за случувањата во овој прилепски клуб.
ДВОЈКИ ЗА 14. КОЛО (вторник, 25 ноември во 13 часот): Вардар Н. – Победа, Скопје – Големо Коњари, Тетекс – Кожуф, Брегалница Ш. – Осогово, Новаци – Шкендија А., Саса – Беласица, Преспа – Слога В., Охрид – Детонит.
ТАБЕЛА: Шкендија А. 32, Брегалница Ш. 30, Охрид 27, Скопје 26, Беласица 25, Новаци 23, Детонит 21, Осогово и Кожуф 20, Саса 17, Тетекс 13, Преспа, Победа и Вардар Н. 10, Слога В. 4, Големо Коњари 3
