Прилепска Победа помина цел месец без освоен бод (последен пат беше успешен мечот во Струмица на 25 октомври, Беласица – Победа 1:2), и кога најмалку се очекуваше, денеска, освои на гости. На стадионот во Неготино: Вардар – Победа 0:0. Бодот за прилепскиот клуб е вреден затоа што е освоен со младински тим. Настапи безмалку младинската екипа: Марко Николоски, Мартин Талески, Лука Варошаноски, Мохамед Ахмедов, Марио Тасески (74. Мартин Митрески), Стефан Наскоски (89. Роберт Аризанкоски), Трене Тренески (74. Владимир Зарески), Димитар Шаркоски, Леонид Митрески, Гоце Кузманоски и Андреј Петрески. Од сите што настапија само еден нема статус младинец – Мартин Талески, 22-годишен. А и на клупата за резерви тие што останаа сите се младинци: Виктор Анѓелевски, Гоце Петрески и Бојан Смилески.
Настапија токму овие оти поискусните не играле како израз на револт поради тоа што немале добиено ниедна плата. Затоа не тренирале и немало да ги одиграат овие есенски натпревари доколку не се променело нешто на подобро, се разбира.
Во клубот лесно може да се забележи дека постои огромна разочараност за недобиената поддршка. Таму може да се слушне дека се разочарани и од односот на разни институции, но и на бизнис-секторот, каде благодарни се само на Чибук „Травел“, Ресторан „Македонска куќа“, „Лаки“ и Ресторан „Алтан“. Да не биле тие, немало да се одиграат ни овие есенски кола.
ЗАПИСНИК ВАРДАР Н. – ПОБЕДА 0:0
ЗАПИСНИК СКОПЈЕ – ГОЛЕМО КОЊАРИ 4:0
А за се да биде најјасно, токму деновиве ќе има интервју во еден од прилепските медиуми со претставник на ФК Победа за да се каже се она што треба да знае спортската јавност во Прилеп и пошироко за случувањата во овој најсакан прилепски спортски клуб.
РЕЗУЛТАТИ 14. КОЛО: Вардар Н. – Победа 0:0, Скопје – Големо Коњари 4:0, Брегалница Ш. – Осогово 0:1, Новаци – Шкендија А. 1:0, Саса – Беласица 0:2, Преспа – Слога В. 0:2, Охрид – Детонит 1:0, а Тетекс – Кожуф одложен за 3 декември..
ТАБЕЛА: Шкендија А. 32, Брегалница Ш. и Охрид 30, Скопје 29, Беласица 28, Новаци 26, Осогово 23, Детонит 21, Кожуф 20, Саса 17, Тетекс 13, Победа и Вардар Н. 11, Преспа 10, Слога В. 7, Големо Коњари 3.
СЛЕДНО 15. КОЛО (29 ноември во 13 часот): Победа – Брегалница Ш., Големо Коњари – Тетекс, Детонит – Скопје, Слога В. – Охрид, Кожуф – Вардар Н., Шкендија А. – Саса, Осогово – Новаци, а на 30 ноември во 13 часот Беласица – Преспа.
