Заврши основниот дел од кошаркарското прволигашко првенство. Во Првата лига на Македонија за мажи А-група прилепскиот тим Мега баскет постигна победа на последниот меч. Дома, во салата од ОУ „Добре Јованоски“, Мега баскет со 118:84 го совлада Младинец од Скопје. На 12-от меч прилепчаните ја постигнаа 10-тата победа. Најмногу поени постигнаа: Роберт Димитриевски 25, Владимир Враниќ 18, Кристијан Домлески и Бојан Стевановски по 15, Давид Настески 14.
На крајот од овој основен дел Мега баскет има 22 бода, доволни за 2.место, што значи влез во фазата од плејофот. Таму се најуспешните 4 екипи од А-групата (Вардар Скопје, Мега баскет Прилеп, Водно санс Скопје и Охрид) и најдобрите 4 екипи од Б-групата (Струмица ФМП, Соколи Штип, Бутел Скопје и Борец баскет Велес).
Денеска во КФМ има ждрепка, според која ќе има распоред за 1. коло од плејофот. Екипата Мега баскет би требало да биде домаќин, а на табелата да стартува со 2 освоени бода.
РЕЗУЛТАТИ 14. КОЛО А-ГРУПА:
Мега баскет – Младинец 118:84, Вардар – Црн Дрим 91:82, Водно санс – Тетекс 76:79, Охрид слободен.
ТАБЕЛА: Вардар и Мега баскет по 22, Водно санс и Охрид по 18 – Црн Дрим и Тетекс по 17, Младинец 12 бода.
РЕЗУЛТАТИ 14. КОЛО Б-ГРУПА:
Борец баскет – Овче Поле 96:71, Бутел – Спортисимо 124:87, Струмица ролинг – Соколи 47:94, Струмица ФМП слободна.
ТАБЕЛА: Струмица ФМП, Соколи, Бутел и Борец баскет по 21 – Овче Поле 16, Струмица ролинг 14, Спортисимо 12.
