Денеска, вторник, 3 март, од 14 часот, се игра 18. коло од Втората фудбалска лига на Македонија, а во тие рамки дуелот Победа – Преспа. На Градскиот стадион „Гоце Делчев“ во Прилеп е забраната од ФФМ за влез на гледачи, но прилепчаните премногу го сакаат својот клуб, така што го одбираат алтернативното решение – скалите кај старата болница. Таму и претходните три меча од казната се собираше публика (најзагреани за фудбал, таканаречените „борини“) до максимум, така се очекува да биде и денеска. Младиот тим на Победа, во којшто има и кадети од по 16 години, заслужува поддршка и во дуелот со ресенска Преспа. А добро е да се видат и најновите што се приклучија на тимот, во борбата за што подобра позиција на табелата. Во клубот сите се доброволци, од Управа и Стручен штаб до играчкиот кадар и затоа ќе ја добијат заслужената поддршка.
Со денешниот меч завршува казната од ФФМ за присуство на публика кога Победа игра на стадионот во Прилеп.
ДВОЈКИ 18. КОЛО (денеска, вторник, 3 март, 14 часот): Победа – Преспа, Тетекс – Брегалница Ш., Вардар Н. – Новаци, Кожуф – Саса, Осогово – Охрид, Шкендија А. – Скопје, Слога В. – Детонит. Утре, среда, 4 март,14 часот: Беласица – Големо Коњари.
ТАБЕЛА: Охрид 40, Шкендија А. 39, Брегалница Ш. 36, Скопје 35, Новаци 33, Детонит 32, Беласица 31, Осогово 30, Кожуф 25, Саса и Тетекс по 20, Вардар Н. 12, Победа 11, Преспа 9, Слога В. 8, Големо Коњари 4.
