Прилепската публика е „гладна“ за добар фудбал, а токму таков добар фудбал се очекува да има денеска од 15.30 часот на Градскиот стадион „Гоце Делчев“ во Прилеп. Во рамките на 24.коло од Втората лига на Македонија се среќаваат Победа (Прилеп) и Беласица (Струмица), петнаесеттиот тим против петтиот на табелата. Беласица во последните 6 меча нема пораз, со позитивна гол-разлика од 11:1! Значи фаворит се знае дека е гостинот, ама фаворитот секогаш не победува. И кадетско-младинскиот состав на Победа има што да покаже, особено кога ја има поддршката на гледачите. Дека на струмичаните никогаш не им е лесно против ривалот што се вика Победа, се виде есеноска во Струмица кога Беласица – Победа беше 1:2. Делегирани од ФФМ за денешниот меч се: судиите Дејан Младеновски, Виктор Здравев, Филип Тодоровски, Ненад Тодоровски (сите од Скопје), делегатот Слаѓан Божиновски (Куманово) и контролорот Ацо Мацевски (Струга).
ДВОЈКИ ЗА ДЕНЕШНОТО 24. КОЛО (сабота, 11 април, 15.30 часот): Брегалница Ш. – Големо Коњари, Победа – Беласица, Вардар Н. – Детонит, Кожуф – Слога В., Осогово – Шкендија А., Тетекс – Преспа, Саса – Охрид и Новаци – Скопје.
ТАБЕЛА
