Најголемиот христијански празник Велигден е причина што има поместување на натпреварите од Плејаутот на Супер лигата за мажи, па така наместо во саботата, 11 април, за првенствени мечеви на располагање се деновите што следат. Најпрво беше одбран денешниот ден, вторник, 14 април, но настана уште една промена и на тој датум, така што е одбран утрешниот ден, среда, 15 април. Ова е важно особено за прилепските љубители на ракометот, коишто ќе ја преполнат салата од СОУ “Ристе Ристески – Ричко” за да го проследат дербито од 5. коло, Прилеп – Еурофарм Пелистер 2. Почетокот е од 19.30 часот. Домашниот тим со нов триумф ќе покаже дека убедливо е најдобар во оваа група. Претходно Прилеп со 30:29 го совлада Пролет во Скопје.
ДВОЈКИ ЗА 5. КОЛО (среда, 15 април): Прилеп – Еурофарм Пелистер 2, МРК Куманово – Пролет, Струга – Радовиш.
ТАБЕЛА: Прилеп 28, Еурофарм Пелистер 2 25, Пролет 19, МРК Куманово 13, Струга 7, Радовиш 0.
