Денеска (недела) од 16 часот, во 28. коло од Втората лига на Македонија, во Гевгелија се игра мечот Кожуф (Гевгелија) – Победа (Прилеп). Прилепскиот тим, предводен од тренерот Кирил Овезоски, нема да ги има на располагање сите фудбалери. Причина е настапот во Бања Лука, Босна и Херцеговина, Република Српска, на Европското првенство во футсал за ученици до 18 години на екипата од СОУ „Ристе Ристески – Ричко“ од Прилеп. Првенството почнува денеска и ќе трае до 16 мај. Во составот на прилепскиот тим предводен од професорот Илија Ангелески се фудбалери од Победа, Виктор Анѓелевски, Леонид Митрески, Андреј Петрески, Давид Паскоски, Бруно Стефаноски (а дознаваме и за Теодор Ѓероски), така што без нив ќе биде гостувањето во Гевгелија, кај Кожуф.
За денешниот меч е интересно што прилепчани има во домашната екипа Кожуф. Станува збор за Антонио Шемкоски, Бојан Ивчески, Филип Тодороски, Давор Богевски, Лука Трајкоски и Лука Варошаноски. Гевгелискиот тим собира бодови за пласман во средината од табелата, за место во баражот за опстанок, а прилепскиот тим има задача да даде што посилен отпор.
Во денешниот термин од 16 часот се играат сите натпревари од 28. коло: Кожуф – Победа, Охрид – Големо Коњари, Тетекс – Скопје, Преспа – Детонит, Саса – Слога В., Новаци – Беласица, Брегалница Ш. – Шкендија А., Вардар Н. – Осогово.
ТАБЕЛА: Брегалница Ш. 64, Шкендија А. и Скопје 62, Охрид 59, Беласица 52, Осогово 50, Новаци 47, Детонит 46, Кожуф 39, Тетекс 36, Саса 33, Вардар Н. 19, Преспа 15, Слога В. 12, Победа 11, Г. Коњари 7.
——————————————————————————————-
АКЦИЈА ЗА ХУМАНОСТ НА 12 МАЈ (ВТОРНИК) ОД 20 ЧАСОТ
Карти може да набавите од билетарата на НУЦК Марко Цепенков
Во животот човек не се станува со пари. Богати сме доколку помагаме, богати сме доколку имаме човечност, срце. Големината на човекот е во помагањето на другите. Колку сме богати и големи зависи од нас. На 12.05.2026г во ДОМ НА КУЛТУРАТА МАРКО ЦЕПЕНКОВ со почеток во 20:00 часот. Дојдете, покажете ја вашата големина, покажете дека заедно можеме нешто, нешто што предизвикува насмевка, нешто што СПАСУВА живот.
ЗА МОНИКА!!! Ве очекуваме
#ЈасСумХуманБидиИТи!
