Стартуваше женската ракометна Супер лига. Во Скопје домашниот Ѓорче Петров, актуелен шампион, со 43:15 ја совлада прилепска Деспина. Како времето да е вратено назад со децении, кога играа Кометал Ѓорче Петров и некогашниот Тутунски комбинат. И тогаш шампионот (не само македонски, ами и европски) победуваше со голема гол-разлика. На денешниот меч најмногу голови – 10 за Ѓ. Петров даде Емилија Ризоска, а за Деспина 6 постигна Михаела Петреска. Првото полувреме беше 24:8.
Во следното коло од Б-групата, Деспина е домаќин на скопски Металург.
