Денеска се случи стартот на десеттиот Хуманитарен турнир во мал фудбал „Свети Никола“ во Прилеп, чии покровители се компанијаата „Комфи ангел“ и Општина Прилеп во соработка со Здружението на спортови „Марков град“. Се одвива во две училишни сали, на СОУ „Ристе Ристески – Ричко“ и на ОУ „Добре Јованоски“. Претпладне од 9 часот во двете сали почнаа натпреварите во пионерска конкуренција кои ќе траат денеска до околу 14 часот. Во сениорската конкуренција серијата од 6 меча во салата на ОУ „Добре Јованоски“ стартува во 17,30 часот со дуелот Астра казино – Пролетер. Во програмата до околу 23 часот е предвидено свеченото отворање околу 19 часот.
Сениорски екипи се 37 поделени во 8 групи.
