Во отсуство на официјални информации од ФК Победа, се служиме со она што го дознаваме од луѓе блиски на клубот. Според нив, досегашниот тим што беше на негово чело одлучил да се повлекува, така што итно се барал излез од оваа тешка ситуација. Како излез се наметнува формирање нов, здружен тим за спас на клубот. Многу извесно дека ќе се барала помош од Општината. Се споменува апел, повик до сите добронамерници и стопанственици. Се размислува и за јавна средба во клубот со можност за сите што имаат некаков предлог да го изнесат, за да се дојде до целта. А времето е кусо, клубот мора да се среди до крајот на неделава, како што велат нашите соговорници.
Победа нема почнато подготовки, а првенството од Втората лига стартува на 23 август. Тешко, претешко, но Прилеп ја сака Победа, тоа име е идентитет на градот, па нема сомнение дека ќе се даде максимум од сите што можат и сакаат да помогнат.
