Поради лошите терени за време на обилните дождови се случија одложувањата на 7 мечеви од Втората лига на Македонија, но во ФФМ се одлучи наместо до 14 февруари, есенскиот дел да се доигра до 12 декември. Значи – есенската конечна табела ќе биде позната на 12 декември.
Одложените дуели ќе почнат со одигрување в среда, на 3 декември од 13 часот. Тогаш во Големо Коњари ќе се одигра Големо Коњари – Охрид, од 13.коло, како и во Тетово Тетекс – Кожуф (Гевгелија) од 14.коло.
На 6 декември, сабота, од 13 часот, ќе има два меча од 15. коло, во Гевгелија, Кожуф – Вардар (Неготино) и во Кочани Осогово – Новаци.
На 7 декември, недела, од 13 часот, ќе се одиграат уште два меча од 15. коло, Големо Коњари – Тетекс (Тетово) и во Виница Слога – Охрид. За 12 декември, петок, од 13 часот, останува да се одигра последниот меч од 15. коло, во Радовиш Детонит – Скопје.
Најверојатно наскоро ќе се одреди датумот за старт на пролетниот дел од Втората лига.
